Магтаал хүндлэлийг Эзэнд өргөе!

Ах эгч дүүсийн баярын өдөр
Цуглан дуулах магтаал байна
Ариун Эзэний хүслийн дагуу
Хуримын ёслол үйлдэцгээе
Хайрын болзоот энэ залуусыг
Нэг бие болгон өгөөч дээ
Хоёр сэтгэл өрх гэрийг
Нэгэн хүсэлт болгооч дээ

Энэ дэлхий дээр амьдрах туршид
Нэгэн замаар явуулаач
Итгэл сэтгэл нэгэн хүслээр
Их Эзэн минь дагуулаач
Бие биенийгээ итгэн хүндэлж
Хайрлан туслан амьдрахад
Бартаат замын зовлон жаргалыг
Туулан гарахад туслаач дээ

Ариун Аав минь бид нар Тандаа
Сөгдөн мөргөж гуйцгаах нь
Амраг хоёрыг энэ дэлхий дээр
Аз жаргалтай амьдруулаач
Итгэлт гэр бүлд урам хайрлаж
Аврагч Эзэнд үйлчлүүлээч
Энэхэн дэлхийг орхин одоход
Мөнхийн улсдаа аваач дээ