Магтаал хүндлэлийг Эзэнд өргөе!

Ертөнцийн Эзэний агуу хайрыг
Үгээр илэрхийлж баршгүй
Өндрөөс өндөр одны цаанаас
Аймшигтай зовлонт газар дээр
Үхмэл сүнсийг аврахын тулд
Өөрийнхөө Хүүг илгээж
Загалмайд Тэр Түүнийг цовдлуулаад
Гэмт бидэнтэй эвлэрсэн

Их Эзэний минь агуу их хайрыг
Хэмжээлээд ер барахгүй
Их Эзэнийхээ хувирашгүй хайрыг
Бүгдээрээ магтан дуулцгаая

Дэлхийн сүр жавхлант хаанчлал устаж
Эцэсгүй зовлонт үе ирэхэд
Их Эзэнийг эсэргүүцэгч сүнснүүд
Тарчилж зовон уйлах боловч
Хэмжээлшгүй их хайраараа биднийг
Их Эзэн энэрэн хайрлаад
Бүх гэмийг минь уучилсан учир
Энэ хайрыг мартах гэж үү
Тэнгэр огторгуйг цаас болгоод
Тэнгис далайг бэх болгосон ч
Хэмжээлшгүй агуу Түүний хайрыг
Бүгдийг нь бичих гээд хүрэхгүй
Их Эзэний минь агуу их хайрыг
Бүгдийг нь багтааж чадахгүй
Тэнгэр өөдөө давхарлаад тавьсан ч
Тэнгэр түүнийг дүүргэхгүй