Магтаал хүндлэлийг Эзэнд өргөе!

Загалмайн цэргүүд минь ээ
Их Эзэний төлөө босоод
Туг сүлдээ өмнөө бариад
Зоригтой тэмцээрэй

Их Эзэн бүхнийг дийлээд
Өөрийгөө алдаршуулахаар
Их цэргээ хөтлөн дагуулж
Ялалтыг авчирдаг

Загалмайн цэргүүд минь ээ
Их Эзэний төлөө босоод
Бүрээний дууг сонсонгуут
Итгэлтэй тэмцээрэй

Тоолж баршгүй дайсны өмнө
Их Эзэнийг дагаж явахад
Хүч чадалт Есүс Эзэн
Бидэнд хүчийг өгдөг

Загалмайн цэргүүд минь ээ
Их Эзэний төлөө босоод
Чиний хүч чадал дутахад
Их Эзэнд итгээрэй

Тэр үнэний хуягийг өмсөн
Үргэлжид Түүнээс гуйгаад
Өөрийнхөө авсан үүргийг
Чин хүслээр хийгээрэй

Загалмайн цэргүүд минь ээ
Их Эзэний төлөө босоод
Өнөөдөр тэмцэн тэмцээд
Ялалтын дууг дуулна

Ялалт байгуулсан цэргүүд
Үүрд мөнхийн амийг олоод
Алдартай Эзэний хамтаар
Хаантан мэт амьдарна