Магтаал хүндлэлийг Эзэнд өргөе!

Уудам тал хөндий нь хө
Ухаант Эзэний бүтээлээ хө
Эгэл түмнийг баясуулдаг нь хө
Эзэн Таны авралаа хө

Үүлэн хиргүй тэнгэр нь хө
Зүйрлэшгүй Эзэний бүтээлээ хө
Зүрх сэтгэлийг уяраадаг нь хө
Эзэн Таны хайраа хө

Эргээ цалгих нуур нь хө
Их Эзэний бүтээлээ хө
Энэрэл журмыг сануулдаг нь хө
Эзэн Таны сургаалаа хө

Бургас гацуур модод нь хө
Бурхан Эзэний бүтээлээ хө
Бодол санааг ариулдаг нь хө
Эзэн Таны увидасаа хө

Элгэн хадад уулс нь хө
Эгнэшгүй Эзэний бүтээлээ хө
Ээдрээтэй замыг залруулдаг нь хө
Эзэн Таны ухаанаа хө

Хамаг амьтан жигүүртэн нь хө
Хамгийн Эзэний бүтээлээ хө
Хавьгүй үнэнийг ухаардаг нь хө
Эзэн Таны ивээлээ хө

Итгэлийн ахан дүүс нь хө
Элбэрэлт Эзэний ерөөлөө хө
Эндүү андуу алхуулдаг нь хө
Ивээлт Эзэний гайхамшигаа хө