Дэлгэрэх цэцгэсийн дэлбээнд хурын ус буух шиг
Дэнслэх зүрхний гүнд хуурын аялгуу эгшиглээд
Дээдийн дээд ерөөлт Бурхан Таны хайрыг
Дэлхийн хязгаар хүртэл дуулан магтмаар болох юм
Сүүдэртэн байсан дэлхийд наран авхай гийх шиг
Сэмэрсэн сэтгэлийн үзүүрт баярын эгшиг хөглөгдөөд
Мөнхийн мөнх авралт Бурхан Таны ивээлийг
Мянган бээрийн газарт хүргэн дуулмаар болох юм
Бараантан хурсан тэнгэрт солонго татаад цэлмэх шиг
Будилах амьдралын харгуйд гэрлийн үзүүр гялбаад
Ариунаас ариун чанарт Бурхан Таны хүчинд
Алдрай биеэ даатган сөгдөн мөргөмөөр болох юм
Subscribe to:
Post Comments (Atom)
0 сэтгэгдэл: